سُبـحـانـك يــااا ربـــ♥

سُبحانك يا رب

يا مهوِّن الأحزان

علمتني إن الصبر

هو مربط الإيمان

وإني مهما عافرت في الدنيا

وجريت ورا حاجة مش ليّا

مش هاخد غير نصيبي

ومهما أعِدّ لياليّا

وأرتّب لحياتي الجاية

فـَـ كل شئ بأوان .

.

.

سُبحانك يا رب

لــ نورا خشبة

كتاباتي عنواني

.. كتاباتي عنواني

هي ذاتي وكياني

من روحي ووجداني

هي إحساسي ومشاعري

وأمسي وحاضري

هي صمتي وحنيني

وتجارب سنيني

هي أفكاري وخواطري

وملامح دفاتري

هي لي بيانٌ

لما بداخلي من معاني .

.

.

كتاباتي عنواني

لــ نـورا خشبـة

ساعات بحس ..!

ساعات بحس إني خبر كان

وإن الزمان مش زي زمان

وبحن كتير أشوف في الحاضر

الماضي بيرجع مش بيغادر

وأحلم مكونشي إنسان ضايع

قُدامه مستقبل مُبهَم بيصارع

وفجـأة أفــوق وأفـتّـح عيني

ألاقيني رجعت لفعل مُضارع .

.

.

ساعات بحس

لــ نـورا خشبـة

كــل فــولــة ولـهـــا كـيــّـال

- فيه اللي بيفضّل مراته

تكون مخها محدود

ويروح يعيش حياته ,

ويقول أديني جبت اللي تراعي البيت والعيال .

- وفيه اللي عايزها من بره منظر

يفرج الناس عليه

ومن جوه فاضي ,

ومش همه غير قال إيه الجمال .

- وفيه اللي بيختارها حبيبته

وصحبته اللي تفهمه

وتشاركه في رأيه وفي كل حياته بجد ,

ومتفاهمين في أي كلمة تتقال .

- وفيه اللي عايز أي واحدة والسلام

ولا يعرفها ولا عمره شافها

وأهله يرشحوهاله ,

ويقول موافق حلو أوي شغال .

- وفيه اللي يشوف أي واحدة

, معدية بالصدفة البحتة

وفي نظره دي تنفع ودي تنفع ..

وكله عنده ينفع ,

من غير تفكير ولا حتى سؤال .

- وفيه اللي يسأل واحد معرفته ..

على عروسة لُقطة على ضمانته

ويقول له أمال عندي ..

بنت فلان معرفتي ..

خُدها وعلى ضمانتي

كإنه بيشتري غسالة وعليها طقم تيفال .

يعني صحيح المثل اللي إتـقــال ,,

,, كــل فــولــة ولـهـــا كـيــّـال

و زي ما رسولنا الكريم قال ..,

إنكح ذات الدين والمال والحسب والجمال

ويا حظه اللي يلاقي واحدة فيها كل ده ..

دي فوق راسه المفروض تتشال

وأهم حاجة تكون بنت حلال

أصلها مش بيعة وشروة ..

ده مستقبل ومصير وبناء أجيال .

.

.

كل فولة ولها كيّال

لــ نـورا خشبـة

مـن بــرّه

يبان من برّه شكله ظريف

بيقولوا لذيذ ودمه خفيف

وهو حاسس من جوّاه

إنه تقيل بشكل مُخيف

تِقل من طوُل أحزانه

تِقل وضاق بيه مكانه

تِقل وخايف لـَـ قلبه

يصفـر ويقـع ويمـوت

زي ورق الشجر في الخريف .

.

.

من برّه

لــ نـورا خشبـة

فاقد الشئ لا يعطيه

"فاقد الشئ لا يعطيه"

كم كنت ضد هذه الجملة التي يرددها البعض

وكنت مُقتنعة تماماً

أنا فاقد الشئ ليس بالضرورة أن

" لا يعطيه "

ولكني تأكدت أنه من المفترض أيضاً أن فاقد الشئ لا يعطيه

ولكن في حالة إسثنائية واحدة فقط

ألا وهي أنه لا يعطيه للشخص الذي يفقد منه هذا الشئ فحسب

نعم .. " للذي فقده منه "

لا يستطيع أن يبادله هذا الشئ وقد فقده منه في المقابل ...

فكيف له أن يكون حنوناً معه وقد فقد منه الحنان !!

وكيف له أن يكون حبيبه وقد فقد منه الحُب !!

وكيف له أن يتقرب منه وهو لا يرى منه سوى البُعد !!

وكيف له أن يكون طيباً معه وهو يَكُنْ له كل الخُبث !!

وكيف له أن يكون ودوداً معه وقد ذاق منه القسوة !!

فــ هو من شدة فقده لهذا الشئ مِمَن حوله ,

يظل هذا الشعور حبيساً بداخله

فهي طاقة إحتياج وعطاء متبادلة .. تملؤه وتُختَزن بداخله

إلى أن يلقى الشخص والوقت المناسبان

لكي يعطيه إياه ويبادله نفس الشئ .

.

.

لــ نورا خشبة

إحلم يا قلبي

إحلم يا قلبي .. إحلم
على قد ما تقدر إحلم

إحلم وعيش الحلم وإسعاله
ولا يوم تيأس وتسلم
ولو يوم حلمك ماتحققش
إياك تبكي وتتألم

مسيره يطلعله شمس
ومش بعيد يتحقق
وتفكر تاني في حلم جديد
وتفضل دايماً تحلم

إحلم يا قلبي .. إحلم
على قد ما تقدر إحلم

مش هسمح لحلمي في يوم يتبخّر
وهعاند وفــ بكره أكيد أنا هفكّر
مش هستسلم للظروف
وبكره الدنيا تشوف
حلمي اللي كان صُغيّر
صَبَح بطموحي أكبر

إحلم يا قلبي .. إحلم
على قد ما تقدر إحلم

.
.

لــ نـورا خشبـة

أمـانـة

{ مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18

يا لها من آيةٍ عظيمة ..
يهتزُ لها قلبي خوفاً وهلعاً
ويقشعرُ لها بدني
أتذكرُها دائماً
وأضعها نصب أعيني

وأهمس بداخلي ..
"إن كان ما أكتبه يُرضي الله
, فـَـ سيكون حسنة جارية لي بعد موتي وحتى في حياتي

; وإن كان لا يُرضيه
, فـَـ سيكون سيئة جارية لي في حياتي وحتى بعد موتي"

فـَـ كلما نطق لساني حرفاً
وكلما سطر قلمي سطراً
أُراجعه بداخلي مِراراً وتكراراً
خوفاً من الله عز وجل
وإرضاءاً لجلاله
وإيماناً مني بأن كل كلمة أقولها سأُحاسب عليها
في حياتي وفي مماتي وفي آخرتي
, وأن كل كلمة أكتبها أمانة في رقبتي .

.
.

لــ نـورا خشبـة

الـدنـيــا

عمّالين نشتكي مــ الدنيا
في كل لحظة وكل ثانية
ولو بسبب أو من غير
الشكوى نازلة زي السير
سواء إديتنا .. مديتناش
زعلتنا .. مزعلتناش
إشتكي .. ما الشكوى ببلاش
ونتخاصم ونتخانق
ونتشائم .. ماهوش فارق
ومصعبينها على نفسنا
ونشيّل بعض همنا
ونزوّد بإيدينا حملنا
وهي ماتستاهل حتى دمعنا
الدنيا أبسط من كده بكتير
بُص حواليك هتلاقي الخير
ماتفكرشي ..
وتقول يا ترى إيه هيحصل !!
ولا تقولشي ..
مصيري لفين هيوصل !!
وماتسألشي ..
لإمتى هتفضل أحلامي ماتتحققشي !!
ونفتكر أبونا آدم لما خرج مــ الجنة
ونزعل أوي إنه مفضلش فيها وإستنى
ونسينا حكمة ربنا في إختبارنا
وإختبار الصبر جوانا حتى في أحلامنا
مش كله بيتحقق في يوم وليلة
ولا كل الأيام بتعـدي جميلة
الحلم نفسه حكمة
حكمة لوجودنا ونعمة
ربنا خلقنا إنسـان
بنتـألـم وننسى كمان
ننسى الحُـزن اللي فات
ونستنى حاجات هتكون
حاجات حلمنا بيها ساعات
مـدبـرهـالنا رب الكـون
وعشان نوصل لأحلامنا
لابُـد الصبر يلازمنا
وماتقولش أصلي طبعي مَلُول
وإني إتخلقت ضعيف وعَجُول
ده لولا الحلم .. الدنيا تزول
فكّر فيها هتلقى روحك لنفسك تقول
لو أعرف بكره إيه هيجيب
ولو بعرف في علم الغيب
مكنتش هحلم وأتمنى .

.
.

لــ نـورا خشبـة

:)

سـامـحـنــا يــا رب

سامحنا يا رب غصب عننا
كل الظروف كانت ضدنا
كلها أمواج بتشدنا
وإحنا ليها مِسَلِّمين
صراعنا كان مع نفسنا
مفيش ولا قدوة تدلنا
تايهين في دنيا لوحدنا
مش عارفين الصح فين
كل حاجة حوالينا
بتهد وتحبط فين
وتاخدنا في التيار
كان لازم ليها نضعف
مكناش للصح نعرف
كان صعب الإختيار
جيل قبلنا صغرنا وقلل مننا
ظلمنا بحكمه علينا وحطم حلمنا
خلانا يا دوب عايشين
ملناش رأي وسلبيين
مشونا في طريق مسدود
لا ليه بداية ولا نهاية
كإننا ملناش وجود
ولا كيان ولا هدف ولا غاية
ماليين العالم بطموحنا
وإنت يا رب اللي داري بروحنا
مهما نحاول نتغير
بنلاقي روحنا في مطرحنا
الذنب يا ترى على مين ..!!
على جيلنا إحنا اللي تُوهنا
ولّا ع الجيل اللي تَوِهْنا !!
ولّا الذنب , محسوب يا رب
علينا إحنا الإتنين .

.

.

لــ نورا خشبة

من كتاب كلام موزون

http://www.goodreads.com/book/show/9775195

:)

رغـم إنـي أقـدر

مابقدرش أكون زيكم خبيثة وسليطة اللسان

رغم إني أقدر وفي الإمكان

ღ~ღ

مابعرفش أبُخ في وشُكم كلام زي سم التعبان

رغم إني أقدر وفي الإمكان

ღ~ღ

ويمكن ببان ضعيفة , بس ده مش ضعف

دي قوة في روحي ماتتوصفش

ღ~ღ

وكإن ربنا مش عايزني أبقى زيكم ,

أو أتطبع بطبعكم ,

أو أشوه براءتي بذنبكم

لأي سبب أياً كان .

.

.

لــ نورا خشبة

من كتاب كلام موزون

http://www.goodreads.com/book/show/9775195

:)

مش هنحتاج تاني لثورات

قالوا هنصْلِح أرض بلادي

هنطّهّر تطهير مش عادي

وصوتنا معاهم كان بينادي

صوت واحد وشعب إتحادي

قالوا هنبدأ برؤوس القمة

رؤوس الفساد اللي مالهم ذمة

وهترجع لينا بلدنا عظيمة

بشبابها وكله عزيمة وهِمَه

قالوا هتبقى الخطوة الأولى

بعدها هنلاقي شهامة ورجولة

قولنا خلاص دُول فهموا الفولة

وأي غلطة دي مش معقولة

فجأة لقينا صراع بين شعب

خِلاف وإهانة وشتيمة وسب

والحكايـة إتقـلبت قَـلْـب

طب يرضي مين ده بس يا رب

الأخلاق بقت في النازل

وبقينا نشوف مع بعض مهازل

ولا فاهمين إيه اللي حاصل

خلاص حلينا كل أوجاعنا

وكله عاملّي لرأيه مُناضل !!

ومحتار إنت .. مين تصدق

مين بيكدب ومين بيصدق

آراء كتير تشوف وتسمع

شتّتوا مُخك وإنت مبرّق :|

اللي ضدنا في القايمة السودة

واللي معانا في القايمة البيضا

وبقت بصراحة آخر عيضة

بدل ما نقضي على الأحزاب

زودناهم سـودة وبيـضا !!

طالِبنا ياما بديمقراطية

وطالِبنا ياما بالحرية

وإزاي نحْجِرها وبس علينا

ونمنعها ع الناس التانية !!

طب نبدأ نبني إزاي من فوق

إذا كان القاع مهري ومشقوق

قاع المبـادئ والأخــلاق

أساس وعمود كل بناء

جوّه ضمير أكرم مخلوق

نفسي الأخلاق تبقى أساسنا

هي حياتنا وتاج فوق راسنا

نفسي الكل يصحّي ضميره

ومايقبلش يجرّح غيره

نفسي نكون قابلنا حاجات

نتعلم فيها من اللي فات

لو كل فرد قام دوره بضمير

لو كل فرد عاش بيعمل خير

لو كل فرد مش عايش لنفسه وبس

لو كل فرد باللي حواليه بيحس

لو كل فرد إحترم التاني رغم الإختلافات

لو إهتمينا بالمفيد وبعدنا عن التفاهات

لو كان قدوتنا بجد رسولنا

هنشوف الدنيا بسيطة وجنة

بإختصار في كلمتين لكل الكلمات

.

.

لو كل فرد مننا

من الصغير للكبير عندنا

في كل شئ بيعمله

راعى فيه ربــنـــا ♥

أكيييد أكييييييد أكيييييييييييد

مش هنحتاج تاني لثورات

مش هنحتاج تاني لثورات

مش هنحتاج تاني لثورات

.

.

لــ نورا خشبة

25\2\२०११

ღ كتاب .. كلام موزون ღ

حمل كتاب " كـلام مـوزون "

للتحميل॥ღ كتاب كلام موزون ღ

روابط التحميل

إختار الرابط اللي يناسبك

.

.

http://www.mediafire.com/?2kcr1uwuc1jb8zm

http://www.2shared.com/document/_QEWWe7l/Kalam_Mawzoun_Book_-_Noura_Kha.हटमल

هستنى رأيكوا في الكتاب بالتفصيل